今日要搭3程機去Iceland
Rovaniemi-Helsinki-Oslo-Reykjavik
一早就出發去機場
本來諗住唔入油淨番1/4還車 (由得佢收錢)
見checkin完仲有時間
就兜左出去5分鐘車程既地方入油
之後就咁drop低條匙響Sixt既counter就得喇 (人地都未開工..)
我地係第一班機
睇住佢開閘..
好多雲呀..
響Oslo機場見到架流動Starbucks車
白雪雪既Iceland呀
一出到arrival hall即刻衝去Budget拎車
唔多人排隊
但係都等左半個鐘..
同一時間我send email去IG Tour問有無極光團
佢話仲有a few seats
我即刻叫佢留位同埋去接我~
我地拎左車就即刻出市區checkin
題外話︰
入境之前有duty free買野
響果度買Nova data sim card平過出面
好可惜我一心諗住買Siminn (唔知實際價錢)
出到去arrival hall問便利店先知duty free買平好多 =.="
唯有死死地氣去幫襯Budget 租埋Wifi蛋
今晚住宿我地都係用AirBnB
不過呢間就好似連鎖式咁
checkin係一個地方(好似hostel咁)
住係響啲民居入面
相距大既5-10分鐘路程
放低行李之後我地就出左去求其搵間餐廳食野
楊生話啲牛扒唔好食..
同一時間又話埋比IG Tour聽我地個住址
問埋佢幾時黎接我地
(佢網頁寫7:30-8:00pm)
但係佢一路都無覆..
食飽就番去休息下執埋野準備出發
我地等下等下等到8點都未見有聲氣
就行番去checkin果度打比IG Tour
佢話5-10分鐘後到
我地就話佢知我地而家既位置
點知我地又等等等
等左半個鐘都唔見人
我就打電話去再問
點知原來佢2個字之前send個email話司機搵唔到我地/___||\
已。經。走。左！！！
我地就係響寒風中呆等
本身諗過自己揸車去郊區
不過今日第一日黎
都唔知郊區啲路係點..
唯有安慰自己聽朝要早起
所以要早啲訓 =(
沒有留言:
張貼留言