我地8點幾就起左身去食早餐
呢間係尋晚間房
我地既房係響另外一座building
門口可以泊車架
食飽番房執埋野就出發喇
我地係join Extreme Iceland既tour
集合地點係酒店對面既油站
(呢個亦都係我地選擇呢間tour既原因)
我地9點10去到
一個人都無
等等等等再等到10點2都無人
我地就去油站餐廳問職員
佢地同我地講好似取消左.. T.T
佢地好好人咁幫我地打電話去問多次
點知真係cancel左
原因係尋晚太大雪
上山條路封左..
間tour話佢地朝早send左email比我
番去check番先知原來佢地8點幾send左email話cancel
好可惜呀..
呢個glacier hike係我最期待既活動之一黎架 ><
咁都無辦法啦
我地就繼續往東去下一個景點Jökulsárlón Glacier Lagoon
尋晚太大雪
今日揸車果陣都跣跣地
我地仲望住前面架車跣胎
成架車90度過埋隔離線
所以本身只係8個字既車程
我地用左個幾鐘先到
呢度就係藍冰湖喇
不過就天陰陰睇得唔清楚
落左車之後可以行一段路去入少少無咁多人既地方
啲人行開果條路好跣(黑色部份)
所以我地寧願行落雪地
不過有啲位都幾深會過膝架
見唔見到藍色既冰呀？
到最後我地發現原來最靚既地方係唔使行咁入架 XD
行左陣我地就去番Vik
車程大概2個半鐘
冰島既天氣真係變得好快架
我地揸揸下就見到藍天白雲
我地今晚住Hotel Edda Vik
佢係同Icelandair Hotel Vik share同一個lobby同reception
一邊就係新啲靚啲貴啲既Icelandair Hotel Vik
一邊就係舊啲頹啲平啲既Hotel Edda Vik
呢2間應該係Vik最大既2間酒店
(其實Vik好細..)
其實晚餐都無乜得揀
一係對面餐廳仔 (價錢唔平架)
一係酒店餐廳 (貴啲囉)
我地就揀左去附近supermarket買叮叮飯
check到今晚Vik 9點幾應該睇到極光
我地就響房度玩左鋪monopoly deal諗住晏啲出去
但係太凍又唔想出去
所以放棄左去左訓覺 =P
PS冰島有個網站好好用
係可以check住自己地方雲層既厚薄同極光強度
方便plan下去邊度睇極光
http://en.vedur.is/weather/forecasts/aurora/
