B - 寫紙

本身諗住睇個醫生無開門
過左隔離睇
咁岩今日係女醫生
呢間又收醫療咭

等左差唔多1個鐘終於到我
醫生叫姑娘比個小便樽我就趕左我出去
呢間診所無廁所
要走出去公廁

番入去交低樣本坐左陣就叫番我地入房

門都未閂個醫生話恭喜晒
其實我地都預左~~
醫生就講左啲預產期呀注意事項呀果啲
楊生好緊張咁問我地去美國坐過山車玩跳傘有無問題
醫生就話無事既
跟住開左啲胃藥同一個月既葉酸比我

出到去姑娘話收$350
都知道checking醫療咭係唔包架喇
我地再問佢可唔可以開夠3個月
佢開左.. 但係收左$650
我地以為醫療咭包架嘛
除左藥,醫生仲寫左張轉介信同懷孕證明比我

聽日可以打去產科醫生度約照超聲波

成件事都好奇妙
我地要做爸爸媽媽喇!!!!!!!!!!!

好緊張呀
BB你要努力成長呀~

B - 知道你存在

今朝楊生番工
我8點幾就醒左
無野做行下出廳磅重
咦~ 重左既
不過我既體重不嬲都係正負1kg
跟住又諗起自己遲左2日
不過我不嬲都係正負3~5日
咁岩屋企仲有上次用淨既棒棒
咁咪去試下囉
點知.. 兩條線既.!!!!!!
好似從來未見過架喎..
即刻再睇下
兩條線係陽性..
我當場“吓”左幾聲

打比楊生話佢知有兩條線
大家都好驚訝
乜咁易中既

之後仲要出左去同媽媽飲茶
又同渟渟行街
夜晚仲食埋個牛一

番到屋企再驗
真係兩條線
聽日落元朗搵醫生confirm~同埋寫紙~