我地好早出門
好大雪呀
赫爾辛基火車站~
第一站係尋晚黎過既Helsingin tuomiokirkko赫爾辛基主教堂
行落海邊Kauppatori Market Square
點知(又係因為冬天)得幾檔開門
廣場附近既波羅的海少女
Helsingin kaupunki
咁岩就黎開船去Suomenlinna芬蘭堡
呢個雪景..
我地好似回帶番去Inari果邊咁呀
2個傻仔著對咁透氣既波鞋行雪地..
咪就係濕晒囉！
其實芬蘭堡都幾多野睇
不過好多冬天都唔開..
例如呢個教堂
行左好遠
去到島既另一邊 - King's Gate
行呢幾級鋪滿雪既樓梯真係好艱辛
呢個夏天有船番碼頭果邊
不過冬天就無喇..
要自己行番轉頭
見無咩特別行左1個鐘左右就搭船番去lu~
去左Aleksanterinkatu電車路附近食野
個意粉好好食
不過呢度咁多野係食唔晒架..
行番轉頭去Uspenskin katedraali烏斯佩斯基大教堂
沿路經過條行人橋扣晒鎖
教堂就響座山(仔)上面喇
好辛苦咁行到上去先知間教堂逄禮拜六收3點
我地3點3先上到去T.T
我地冒住風雪咁行上去架！！！
睇下我地個頭幾多頭皮就知啦！
唯有慢慢行番酒店休息下等時間過啦
今次旅程既景點已經行晒喇
芬蘭既超級市場係有得玩角子機架
見唔見到"Tervetuloa"牌下面有人玩緊啲機
到9點幾就慢慢行去火車站lu
去機場既VR火車係Ring Rail Line
好似一個loop咁
由Helsinki出發2個方向既時間都差唔多
I train: 27分鐘
P train: 32分鐘
(Cap from https://www.hsl.fi/en/ringrailline)
話說我地果陣I Train響5號月台
P Train響19號月台
(聽個名都知遠)
我地見I Train仲有5分鐘開
P Train就仲有12-13分鐘
就響車站大堂行過5號月台
點知我地行到去佢就開走左
咁唯有行番過去19號月台搭P Train
點知原來5同19真係爭好遠
慢慢行要超過10分鐘
所以我地要慢跑
係拖住個喼慢跑..
一上到車過多1分鐘就開..
拎左boarding pass
入閘前飲埋支水
我地入埋閘都已經10點幾
Aspire Lounge已經close左(收8點)
就搵個響Non-Schengen area既Almost@Home (收11點半)
搵左好耐過埋個duty free都搵唔到響邊
原來個入口響duty free入面
啲三文魚湯好好飲呀=)
不過因為就黎收工所以得番少少
PS. 原來Almost@Home響2016年4月4號開始會改做收8點半
如果搭番香港既Finnair flight 凌晨機就唔可以食住等喇~
online checkin果陣得番2-4-2中間既2人連位
都好啦起碼有得一齊坐~
訓下醒下咁過左10個鐘
終於安全番到香港~
我地之前旅行long trip都係去10日8日
今次一次過去17日真係(好似)好長
其實過左10日左右已經有啲home sick..
不過17日既北歐之旅眨下眼就完喇
冬天既北歐感覺真係好北歐..
(ie. 好凍、落雪、白矇矇、矮矮既屋仔、屋頂鋪滿雪)
不過好多景點冬天都係好早關門or even唔開
市集都係開得小貓三四隻
所以我決定要夏天再黎過！
